Мурдагы милиция кызматкери аялын атып өлтүрүүгө шектелүүдө

Бишкекте мурдагы милиция кызматкери аялын атып өлтүрүүгө шектелүүдө. Бул тууралуу Свердлов райондук милициясы тастыктаган. 

Маалыматка ылайык, 2025-жылдын 23-декабрында болжол менен саат 21:00дө Бишкек ШИИБдин «102» кызматына Бөкөнбаев көчөсүндө жайгашкан батирлердин биринде мурдагы күйөөсү аялын атып салганы тууралуу билдирүү түшкөн.

Маалым болгондой, жубайлар ажырашуудан кийин жаңжалдашкан. 

Натыйжада 1977-жылы туулган У.Б. 1978-жылы туулган У.Ж. аттуу аялды өзүнө катталган «МР-79» үлгүсүндөгү травматикалык тапанча менен атып салган. Аял алган жаракатынан улам окуя болгон жерде каза тапкан. Шектүү кармалып, убактылуу кармоочу жайга киргизилди. Белгилүү болгондой, ал мурдагы укук коргоо кызматкери, 2019-жылы пенсияга чыккан.