Бишкекте жаңы жылдык салют атылбайт
Бишкекте жаңы жылдык салют атылбайт
Быйыл Бишкекте жаңы жылдык салют атылбайт. Бул тууралуу мэриянынбасма сөз кызматы билдирди.
Муниципалитеттин маалыматы боюнча, 31-декабрда саат 18:00дө «Ала-Тоо» борбордук аянтында ата мекендик артисттердин катышуусунда майрамдык концерт болот. Иш-чара фейерверк атуусуз өтөт.
Белгилей кетсек, буга чейин Жаратылыш ресурстары, экология жана техникалык көзөмөл министрлиги айлана-чөйрөнү коргоо жана экологиялык коопсуздукту камсыз кылуу максатында жаңы жылдык салюттардан баш тартуу чакырыгы менен чыккан.
