Кыргыз-кытай чек арасындагы өткөрүү пункттары 1 күнгө жабылат.

Чек ара кызматынын маалымат жана коммуникация башкармалыгынан билдиришкендей, Кытайда Ажыдаар кайык фестивалы белгиленгендигине байланыштуу Кытай тараптын демилгеси менен кыргыз-кытай мамлекеттик чек ара тилкесинде жайгашкан "Торугарт- автожол" жана "Эркечтам-автожол" унаа өткөрүү пункттары 2025-жылдын 31-майында убактылуу жабылат.

Бул өткөрүү пункттары аркылуу адамдарды, транспорт каражаттарын жана жүктөрдү штаттык режимде өткөрүү 2025-жылдын 1-июнунда жанданат.